Terrace in seaside (屯門市廣場1期)

Open Now

Now Closed

相約朋友去屯門市廣場逛街，見到Terrace in Seaside餐廳，好有韓風渡假feel配韓式食材好吸引，令人感覺舒服自在，揀了主食、特色飲品、沙律同甜品。南瓜芝士沙律 🥗前菜喺沙律，南瓜新鮮，味道清甜，配搭粒狀且濃郁嘅芝士，好醒胃。燒慢煮雞腿紫蘇拌飯 🍖🍚雞腿好juicy，慢煮雞肉嘅肉質嫩滑，雞腿啖啖肉，配搭泡菜飯，帶微辛辣嘅味道，口感惹味。至臻蜂巢無花果窩夫 配搭新鮮嘅無花果，加入鮮花裝飾，加入甜蜜嘅蜂巢，窩夫賣相好吸引！食落有香滑嘅忌廉，窩夫嘅蛋香濃郁，外脆又鬆軟，食到舔舔脷。飲品：濟洲柑橘乳酪，每一口柑橘嘅清甜滋味，柑橘香甜，好啱消暑！熱漂浮棉花糖朱古力咖啡☕，外型吸引，啱晒咖啡控嘅我去打咭，棉花糖溶於咖啡之中，有棉花糖同朱古力嘅味道，口感好豐富。