堅信號上海生煎皇 (荃新天地)

Open Now

Now Closed

【荃灣區】【堅信號上海生煎皇】喺 1am1492 天仁茗茶個 post 同大家講過我想去堅信號試埋佢哋 crossover 嘅食品，我作為行動派梗係嗱嗱聲夾個 friend 去做咗佢。嚟到荃新天地嘅「堅信號上海生煎皇」，佢哋係喺中庭地舖，相當方便，幾乎完全唔使搵就已經見到佢哋喇。先試「堅信號 x 天仁茗茶」嘅食物，前菜試一籠四隻 $42「人蔘烏龍雞脾肉小籠包」，用雞髀肉做嘅小籠包好特別，人參烏龍味又香，正。朋友試 $62 嘅「櫻花蝦蟹籽大蝦香片茶湯飯」加 $10 要埋鮑魚，佢好享受用香片茶沖落個飯度嘅情況，亦都好快食晒。我就試 $68 嘅「櫻花蝦磯燒鮑魚香片茶湯飯」，的確茶湯飯個香味好特別，清香得嚟又吊起個鮮味，正。嘢飲我哋試 $27 嘅「豆漿豆花四季烏龍奶茶」，天仁嘅嘢飲不嬲有質素保證，豆花味同四季烏龍味分庭抗禮，食緊茶湯飯嘅時候呷返啖，感覺幾清新。一場嚟到堅信號，唔可能唔叫返佢哋嘅撚手嘢。首先係 $42 四隻嘅「堅信號生煎包」，嗰個爆汁嘅感覺令我至今難忘。之後試埋 $76 嘅「黃金雞扒蔥油拌麵」，成件事好邪惡，雞扒炸得好香，蔥油拌麵質感又好，為呢餐 $354 嘅晚餐畫上一個完美嘅句