閩味千里香餛飩皇

Open Now

Now Closed

【觀塘區】【閩味千里香餛飩皇】去過幾次觀塘松記食糖水，每次都好想食佢隔離嘅呢間餛飩舖，但係每次都食唔成。的起心肝搵次我就真係特登走入去食佢，就淨係為咗佢先入觀塘嘅啫，咁就冇嘢阻得到我喇。入到去發現都幾多人，下晝都要搭枱先有位。嚟到就梗係想食佢哋嘅餛飩而非粉麵，不過都要睇有咩味。而最好嘅選擇當然係全家福，有晒鮮肉、香菇鮮肉、韭菜鮮肉、玉米鮮肉、薺菜鮮肉呢幾隻味，啱晒我呢啲貪心鬼，隻隻味都可以食少少，加上又唔需要做選擇，正呀。首先食 $33 嘅「全家福小餛飩」，有十五隻，以上講過啲味都有。而佢哋啲小餛飩都偏大隻少少，但都做到一啖一隻，味道上都幾好，啖啖唔同味，爽。咁淨係呢碗當然唔夠，叫埋 $41 嘅八隻「全家福大餃子」，確係唔細隻。主要係佢個餃子皮都幾實淨，食落都有飽足感，唔同嘅味道又豐富咗味覺。我再食埋 $45 嘅「煎全家福鮮肉大餃子」八隻，煎嘅就油膩啲不過別有風味，都幾好食。飲埋 $8 嘅「凍豆漿」就 $127 埋單，好似我咁食法都幾癲喪。。。（地址：觀塘康寧道34號地舖）#1amfoodie #foodie #hkfoodie #thatfoodiething #hkfood #fo