Sunprime Cafe (Closed)

公司係apm個邊，好少去東廣場呢邊搵嘢食，一來時間好緊張，星期五放鬆啲，就去呢度食。一到門口，關住門好搞笑，差啲睇唔到。入到去已經好多人，坐定定就揀嘢食，價錢算正常。樓面得2，3個人，幾忙下，上菜已經算快。嘢食用好特別嘅「瓦片」碟上，啲菜好易跌出界。味道算正常，都ok。我叫左墨西哥卷，味道ok，有小小辣，有啲似咖喱，而且估唔到夠飽，算有心思。同事話佢地個啲都正常啦，好味嘅，上碟都有用心，唔會hea，至少唔係伏。唯一真係改善嘅係太焗，冷氣完全唔夠，大家都流哂汗，希望好好改善呢點，再吸引多啲人啦。午餐無加一，熱凍飲同價。