公子茶座 (Closed)

【觀塘區】【公子茶座】好耐都冇過嚟得寶呢邊，上次應該成七年前同個同事過嚟呢邊好似係薩莉亞食嘢，而家個同事都升埋職做埋我上司咯，都應該冇乜機會再食飯喇。所以我就搵咗另一位同事同我一齊食，我份人比較乞人憎，其實係難搵人架。今次係得到邀請去咗呢一間開咗冇耐嘅餐廳，店主有廣泛興趣，涉獵室內設計裝修、美容、玩具、植物等等，而且中意食，所以對食物質素同服務質素有要求，就放手一搏，頂咗呢間老店，希望提供快樂同埋好味嘅食物咁樣。我一入到去就被佢哋老牌冰室茶座氣氛所感染，真係好有老香港情懷，啱晒我呢啲「身份證以上，長者咭未滿」嘅老人家。坐低就叫個「招牌生煎肉餅飯」，個肉餅真係即場生煎，配合啲甜甜哋嘅葱同豉油汁，成份係秒清咗。餐飲方面，呢度居然有「Cold Brew 咖啡」揀，唔太識飲咖啡嘅我都覺得幾好飲，茶記都飲到更加係驚喜。加 $7 轉配之下成份餐 $65，個人認為價錢上一啲都唔貴，淨講杯咖啡都值返晒啦。可惜係同事唔肚餓，食其他嘢。佢食個「一口花生醬西多士配煉奶」，佢食唔晒，我試到一舊。都好厚好大舊吓，一口應該就比較難處理，花生醬又濃，好食。餐飲加 $4 飲「愛爾蘭咖啡」，我第一吓見到，以為係店家居然