Video
Read full review
2023-04-09
50 views
【隱世串燒廚師發辦樣樣精彩】 #上環日本特色街道主題居酒屋。串燒廚師發辦 $298/位季節沙律、二點前菜三點串燒季節煮物炸物烏冬／茶漬飯吸物甜品之前食過呢間上環隱世居酒屋嘅午餐，性價比幾高！今次試埋佢晚市嘅招牌熟食Omakase，估唔到仲高質，值得推介大家一試！今次嘅季節煮物係清酒煮青口，青口鮮甜，個湯調節得啱啱好，酒味唔會太濃，我成個飲晒！炸物係炸雞，必須講我本身唔太鍾意食日式嘅炸雞，但呢間餐廳新鮮炸起，雞肉肉汁保留得好好，令我完全改觀！到咗主角串燒，今次廚師發辦咗雞翼，羊肉同冬菇。雞翼做到外皮非常咁脆，但入面就嫰而香，調味適中，有80分以上嘅水準；羊肉係日式串燒入面少見，佢唔似中式咁調味到好重口味，而係適度吊出羊嘅香味，鍾意羊肉嘅朋友都應該會鍾意師傅嘅手勢；最後串燒冬菇穩打穩紮主食二選一。個人覺得茶漬飯特別啲就揀咗，估唔到佢仲有配上三文魚，有啲驚喜。整體而言$298呢個價位食到呢個水準嘅日本熟食廚師發辦，個人係覺得CP值好高
。
串燒廚師發辦 $298/位
季節沙律、二點前菜
三點串燒
季節煮物
炸物
烏冬／茶漬飯
吸物
甜品
之前食過呢間上環隱世居酒屋嘅午餐，性價比幾高！今次試埋佢晚市嘅招牌熟食Omakase，估唔到仲高質，值得推介大家一試！
今次嘅季節煮物係清酒煮青口，青口鮮甜，個湯調節得啱啱好，酒味唔會太濃，我成個飲晒！炸物係炸雞，必須講我本身唔太鍾意食日式嘅炸雞，但呢間餐廳新鮮炸起，雞肉肉汁保留得好好，令我完全改觀！
到咗主角串燒，今次廚師發辦咗雞翼，羊肉同冬菇。雞翼做到外皮非常咁脆，但入面就嫰而香，調味適中，有80分以上嘅水準；羊肉係日式串燒入面少見，佢唔似中式咁調味到好重口味，而係適度吊出羊嘅香味，鍾意羊肉嘅朋友都應該會鍾意師傅嘅手勢；最後串燒冬菇穩打穩紮
主食二選一。個人覺得茶漬飯特別啲就揀咗，估唔到佢仲有配上三文魚，有啲驚喜。整體而言$298呢個價位食到呢個水準嘅日本熟食廚師發辦，個人係覺得CP值好高
Post
