Video
Read full review
2021-11-10
693 views
記得呢間喺旺角彌敦道近太子方向嘅茶餐廳喺疫情期間開業…事隔一年多，終於放工帶男朋友嚟懷緬吓💭無論門面定係室內環境都好有舊香港特色，加埋男朋友一直聲音導航…好似返番去以前，時光倒流咁呀😌#霓虹燈牌好靚不過佢餐牌除咗有一般茶記嘅常餐、特餐、炒粉麵飯同鐵板餐之外，仲有日式拉麵、日式奄列飯、西式焗意粉同risotto等等添呀⚠️唔會死咕咕冇啲新意👍🏻我哋就死咕咕叫番是日晚餐入面嘅<<蒜茸汁豬扒炸帶子飯>>($75)同埋精選金牌焗飯入面嘅<<夏威夷菠蘿焗雞扒飯>>($66)😂咁先試到真章嘛~~😎當晚中湯係合掌瓜煲豬骨! 好味!不過男朋友唔俾我飲咁多~ 佢話肥喎🥲….西湯咪仲肥🤷🏻♀️西湯有得揀!! 有忌廉湯同羅宋湯!!三款靚湯…總有一款啱你☺️我就好欣賞佢嘅羅宋湯超足料又濃~ 好味過好多西餐廳🤤不過蒜茸汁豬扒飯就真係一般茶記水準喇😅唔可以咁高要求🤪雖然焗雞扒飯都係茶記應有standard, 但佢嘅芝士焗到金黃色而且份量恰好!!唔孤寒之餘都唔會令你食到好膩滯!雞扒嫩滑冇雪味! 菠蘿好甜! 食到要同男朋友爭食😋特別推介: 我第一次飲嘅新配搭
記得呢間喺旺角彌敦道近太子方向嘅茶餐廳喺疫情期間開業…事隔一年多，終於放工帶男朋友嚟懷緬吓💭
無論門面定係室內環境都好有舊香港特色，加埋男朋友一直聲音導航…好似返番去以前，時光倒流咁呀😌
#霓虹燈牌好靚
不過佢餐牌除咗有一般茶記嘅常餐、特餐、炒粉麵飯同鐵板餐之外，仲有日式拉麵、日式奄列飯、西式焗意粉同risotto等等添呀⚠️唔會死咕咕冇啲新意👍🏻
我哋就死咕咕叫番是日晚餐入面嘅<<蒜茸汁豬扒炸帶子飯>>($75)
同埋精選金牌焗飯入面嘅<<夏威夷菠蘿焗雞扒飯>>($66)😂
咁先試到真章嘛~~😎
當晚中湯係合掌瓜煲豬骨! 好味!
不過男朋友唔俾我飲咁多~ 佢話肥喎🥲
….西湯咪仲肥🤷🏻♀️
西湯有得揀!! 有忌廉湯同羅宋湯!!
三款靚湯…總有一款啱你☺️
羅宋湯
11 views
0 likes
0 comments
我就好欣賞佢嘅羅宋湯超足料又濃~ 好味過好多西餐廳🤤
不過蒜茸汁豬扒飯就真係一般茶記水準喇😅
唔可以咁高要求🤪
雖然焗雞扒飯都係茶記應有standard, 但佢嘅芝士焗到金黃色而且份量恰好!!
唔孤寒之餘都唔會令你食到好膩滯!
雞扒嫩滑冇雪味! 菠蘿好甜! 食到要同男朋友爭食😋
特別推介: 我第一次飲嘅新配搭💁🏻♀️<<阿華田紅豆冰>>
鍾意飲華田嘅你，唔好錯過‼️
阿華田味濃郁! 不過紅豆偏甜!
怕甜嘅可以問吓落單哥哥可唔可以少甜😛
龍鳳可樂
$25
9 views
0 likes
0 comments
怕太飽嘅朋友都可以揀<<龍鳳可樂>>
有齊鹹&酸嘅檸味! 真係飲完之後精神唯之一振呀!! 爽🤩
Post
