明記 • 潮鍋 (Closed)

有幾間分店的明記大排檔呢次開海鮮火鍋，平日夜晚來不太多人，有魚缸養住龍蝦。火鍋醬料有好多選擇，連泰式酸汁都有。至尊海鮮套餐B | $338要留意餐牌上寫的東瀛刺身四款，原來已經轉了做一隻壓力煲蠔。蠔煲到熟透，要趁熱食。火鍋套餐會另收茶位$12/位、小食$20。湯底是蕃茄薯仔湯，鹹得來幾適合火鍋，但加水加熱水便好，因為不斷加高湯最後會超鹹。海鮮拼盤有龍蝦、帶子、鮑魚、蟶子、生蝦、貴妃蚌、魷魚片、魚片等，配襯一個小小裝飾，幾適合打卡。最欣賞魷魚片，火喉控制得好就又爽又鮮甜。用龍蝦打邊爐，吸到湯的番茄味，肉爽口。手打牛肉夠肥美，有口感又不韌。另加火鍋料炸響鈴，新鮮炸起，超班之作，好脆又新鮮。自家製的飲品，竹蔗茅根及蘋果雪梨水$10/枝，幾抵飲，適合打邊爐。