香馥樓

Open Now

Now Closed

坚持咗整一個月on diet，終於都俾我捱到今個月嘅treat day啦！！睡飽出街特登來呢間新開嘅餐廳飲個早茶獎勵自己一個月嘅辛苦。點咗潮汕蒸粉果，生滾安格斯牛肉粥仲有香煎櫻花蝦蘿蔔糕。點嘅每一個點心都在水準線上。蒸粉果皮厚度啱啱好，外皮煙韌，口感好正，裡麵包住曬豬肉碎，韭菜蝦米等豐富嘅餡料，好對我胃口，正！生滾粥有兩款，鮮魚片同安格斯牛肉，我揀咗牛肉嘅。生滾粥一個人食好大煲喔火候十足，米粒綿密但又唔會太過爛，牛肉嫩滑鮮甜，我飲咗兩大碗，好味!蘿蔔糕外皮煎得金燦燦，中間口感軟糯，櫻花蝦嘅鮮味同蘿蔔糕融和得非常之好，呢碟都食得好滿意。非常滿意嘅一餐treat meal!下個月要繼續俾心機work out，下一餐treat meal 或許仲要來多一次，叫埋朋友，可以點多幾個菜試下味！