UCC Coffee Shop (Closed)

今個星期六很忙，到2點30先有時間開餐。見到UCC下午茶餐牌大大隻字寫住$58 。見到有rissotto,有意粉跟咖啡，賣相不錯。就係咁入左去試下。坐低先知，原來出面個牌有個好細既「起」字。又俾個架遮住左。只有一個夾餅餐係$58.其他都餐都要$78.但 既然坐低左，咁就食個好少少既下午茶。 我地坐低叫左兩個我至愛既risottos餐， 食物嚟到就明白咩叫做「圖片只供參考」。我以為自己去左間茶餐廳，食緊白汁雞皇燴飯。賣相差都算，食落去淋到好似食BB爛飯仔。味道仲要好奇怪。講真有啲難放入口裡面。雖然待應服務是不錯，他也願意換另外一個餐。我們不想浪費食物，只是換了一個。但換來都只係一碟快餐店既餐茄汁意粉。我寧願去茶餐廳食焗海鮮意粉仲好味。真係唔知幾時UCC質素變成咁。