諾亞半熟蛋糕專門店 (Closed)

記得第一次食諾亞原味半熟蜂蜜蛋糕，驚為天人，嗰陣台灣茘枝蜜清甜，完全乎合甜而不膩的味道，雖然出左N個新口味款式，但依然都情有獨鐘。之但係一個人真係食唔晒一個，而且切左之後唔即時食的話，係唔會想再掂佢....最近出左一人份的份量，仲有個 忌廉哥 的杯，咁啱我出去旅行前整爛左個杯，所以忍不住買左一對返家品嚐！雖然杯的正反兩面都印左諾亞的Logo,但整體都好得意唔會好搶眼！返到屋企，急不及待要自私食左原味先！係我鐘意的清甜台式荔枝蜜，食返第一次的味道，好似初戀咁，因為之前曾經轉過蜜糖，一食就感覺到唔同左味，嗰下都幾失望！杯裝份量大概係去到杯身的一半，唔會太多，半熟質地流心富蛋香，一人份量啱啱好！朱古力半熟蛋糕質感比較笠身偏甜，兩者份量相若，都係兩三啖就KO，如果兩款來說，我會喜歡清甜不膩的原味多啲！個人覺得杯裝比原個更易掌握到半熟效果，而且份量只係兩三啖KO，食完仲有個杯留念，都唔錯吖。