莆田 (Closed)

lunch一個人，有時候要諗食咩都幾煩惱，因為如果有朋友既話食野選擇會多好多，自己最好食一人套餐，咁岩見莆田有，於是就去食。68蚊餐有點心，麵食同無限添入冬瓜薏米水 (未計加一同茶錢) 可接受範圍 (偶然都要對自己好啲🙈)一黎就係甜品莆田糯米丸糯米丸雖然望落普通，但口感煙韌有彈性，而且散發出微微既糯米香，咬一口芝麻味濃厚，甜甜地，飯後甜品好唔錯。冬瓜薏米水無限添飲，味道一啲都唔差，清涼解渴去濕，無添加任何糖份，相當健康有益。因為好想食鍋邊糊，所以就加多十蚊轉左鍋邊糊。咪睇好似細碗就覺得啲料唔多，其實有蝦，豬肉絲，豆卜，蜆肉，冬菇，白菜，花生，紫菜等，米漿片薄身，而且口感滑嫩，加上鮮甜湯底，令整碗鍋邊糊鮮上加鮮。飲到湯最底既時候，發現有兩小粒瑤柱，難怪湯咁鮮啦。