米串咀 (Closed)

🔸米串咀🔸荔枝角🔸麻辣店🔸嗰日去荔枝角行街上樓上鋪買嘢，臨走嘅時候決定去近工業中心外邊嘅外賣店買嘢返去醫肚～係芸芸外賣店見到呢間最多人排隊，而且有麻辣串食，喺天氣凍嘅時候特別吸引！見到佢嘅套餐有一串串嘅麻辣套餐之外，仲有「撈汁食飯」系列！一個人都可以食麻辣串串同「香辣雞煲」，即刻決定買呢個返屋企！儲存方便，我叫咗海帶、風琴串、墨魚丸、香腸、豬皮、魚腐～風琴串極掛湯，每一啖都有麻辣香味，非常好食～魚腐同魚蛋亦都好索汁～留意佢係一個高杯放湯同埋串串，所以外賣拎走都好，都係依然可以保持麻辣燙住咁～至於個雞煲同飯，佢係喺你面前將佢整成罐頭封蓋，我睇住個機器將新鮮嘅米飯放入罐入面，勁新奇！我亦特登返到屋企先至再打開個蓋，勁搞笑😂 感覺真係可以將食物保存更加耐😂講返食物，雞煲超香辣，同埋辣嘅辣係唔同，有一種更加惹味同油感比較重嘅辣！佢亦都附上辣椒油，同埋香辣乾碟，中意辣嘅朋友唔好錯過，仲可以加多幾個層次😚不過我覺得雞煲雖然夠味，但係肉質比較鬆散，建議都係盡快食比較新鮮～ 份量都幾大份，串串加雞煲，其實可以係晚飯加宵夜咁樣，就係最開心啦😚有時食個一人雞煲辣一陣就係爽～米串咀 網址: https