卓記粥麵小館

Open Now

Now Closed

已搬離土瓜灣一段時間，自幼在此區成長，熟識的地方，人面不少已全非，難得老店尚在，每次路過，也會入去點選美食。上次係食田雞粥，粥底超綿滑，加上不是間間粥店有田雞享用，所以能食到時美事。今次趕住睇朋友演出，路過此，一入鋪內，就見有三數台老街坊閑聊天，仲人人有老闆送上老火湯，與良朋好友分享……膽粗粗的我，問句《可唔可以要一碗湯？》人情味就在此，老闆笑笑口，話”自己煲，唔煲賣呀！俾碗你試吓啦”，熱愛暢遊老店之因。我今次點選了薑蔥魚腩米粉，愛薑蔥的朋友一定超興奮。薑絲切得幼細，我直頭可以全吃掉，仲有蔥絲，也過嗰火，所以蔥香滿天。仲要有大大塊魚腩肉，煮得剛剛好，魚味香濃，而湯頭也鮮甜好味，所以在艱難日子，也能保持卓越水準。下次又嚟過。