Bro & Sis Yogurt Café (Closed)

食完媽媽節飯既晚上,落住毛毛細雨,有d唔舒服既我企係巴士站等巴士!回頭一望見到有間coffee shop,心諗買杯野飲下都好!一入去店員親切咁打招呼,店員推介72%朱古力比我!店員就遞上一杯窩心既熱朱古力。好耐冇飲過有粒粒棉花糖係上面既朱古力喇，有D似細個時飲既三花朱古力，而且仲係有幾種色既綿花糖。我本身唔鍾意太甜既食物。呢杯朱古力甜度岩岩好，重可可味，因為D綿花糖溶左既關係，就黎飲完既到底既時候會有20%朱古力80%綿花糖既味道。今晚好彩有呢杯朱古力陪住我 因為只係路過買杯野飲,估唔到有驚喜,所以冇影好多相!PS: 當我等既時候,有幾個人都入黎買並大讚木瓜奶乳酪,下次經過我會試下佢,因為乳酪凍既關係,今天的我與乳酪無了!