Video
Read full review
2017-06-04
377 views
今日公司搞活動成日擔擔抬抬，放工真係要食餐勁嘅補充一下體力（又一個暴食的好藉口） ，之前睇戲都經過見到有間韓食，不過之前好似係做任食，所以冇去試，今日見佢好似唔同咗裝修定唔知轉左第二間，而且可以散叫，當然樂於試試。靚女職員拿來餐牌，細心介紹，好好招呼，睇到佢哋有韓式燒烤，有湯鍋同埋汁燒，本來我想食烤肉，但係老公又話唔食得牛，又唔想太熱氣，咁我哋就試吓個汁燒叫豚盛：包含了豬肶肉，豬頸肉同豬腩肉，見到個份量，已經覺得好豐富！而且價錢都只不過＄228 ,講真，行入嚟，兩個人只係叫一個豚盛的話，都已經夠飽，咁計落每人只不過係＄100多二十，真係好抵食，上面見到好豐盛嘅三種豚肉放左係中間，其下都有勁多菜同其他配料，有顏色鮮艷嘅鍋汁，個鍋燒左一陣之後見到佢滾左，我哋就開始鍋嘢搞下搞下咁樣，等啲肉熟。本來食韓國嘢我會鍾意食豆腐鍋，但係有呢個已經有啲豆腐，一次過滿足晒三個願望！啲豆腐切到個size剛剛好，而且好滑身。仲有好多嘢食，可以食豆卜啦，仲有年糕，仲有白菜，有泡菜，數都數唔晒！煮滾左一陣，試吓塊厚切五花腩先！雖然係肥肉，但係脂層同豬皮幾煙煙韌韌，再加埋豚肉咁香，令人難以抗拒，而且呢個汁雖然係紅色
靚女職員拿來餐牌，細心介紹，好好招呼，睇到佢哋有韓式燒烤，有湯鍋同埋汁燒，本來我想食烤肉，但係老公又話唔食得牛，又唔想太熱氣，咁我哋就試吓個汁燒叫豚盛：
包含了豬肶肉，豬頸肉同豬腩肉，見到個份量，已經覺得好豐富！而且價錢都只不過＄228 ,講真，行入嚟，兩個人只係叫一個豚盛的話，都已經夠飽，咁計落每人只不過係＄100多二十，真係好抵食，上面見到好豐盛嘅三種豚肉放左係中間，其下都有勁多菜同其他配料，有顏色鮮艷嘅鍋汁，個鍋燒左一陣之後見到佢滾左，我哋就開始鍋嘢搞下搞下咁樣，等啲肉熟。
本來食韓國嘢我會鍾意食豆腐鍋，但係有呢個已經有啲豆腐，一次過滿足晒三個願望！啲豆腐切到個size剛剛好，而且好滑身。仲有好多嘢食，可以食豆卜啦，仲有年糕，仲有白菜，有泡菜，數都數唔晒！煮滾左一陣，試吓塊厚切五花腩先！雖然係肥肉，但係脂層同豬皮幾煙煙韌韌，再加埋豚肉咁香，令人難以抗拒，而且呢個汁雖然係紅色，但係其實個辣度都係一般人可以接受的，小小甜，好開胃！就算食埋豬頸肉，口感都不會覺得太過肥膩！
而且個豬頸肉，真係超正！個厚度控制得幾好，厚一點就會太溜，薄一點又唔夠爽口，呢個厚度食落去勁爽口，咀嚼之下就有豬肉的油脂加埋燒汁的味道互相交纏，令人十分滿足，不過可惜我因爲仲有叫其他餸怕太飽，如果唔係可以叫個白飯撈來食好正！
在我有食豬肉的歷史以來，食豬肶肉似乎沒有出現過，本來以為係好鞋的，原來肉質超滑呀！
啤酒煮青口
喺出面食嘢，叫酒煮嘅蜆殼類，有時會係冇乜味嘅，但係呢個啤酒味青口叫人十分之驚喜！上枱的時候，裏面的啤酒湯汁都仲係熱騰騰沸騰緊，而且有散發出種淡淡的啤酒香氣！啲啤酒的酒香與青口一齊煮，令青口的鮮味更上一個層次。
蒜片牛柳粒，都算唔錯喎，牛柳粒的肉質幾彈牙，蒜頭味都幾香！
蜜桃沙冰唔單止冰冰凍凍夠清爽，襯埋熱辣辣的鍋物一齊食好正，而且啲沙冰滑滑的，好似食緊蜜桃雪糕咁！
Post
