Video
Read full review
2024-07-08
141 views
今日即興地約了位久未碰面的朋友吃飯，大家都是愛辣之人，所以選了佢屋企附近的川大哥（深水埗店）落腳，餐廳位於深水埗同太子之間，門面乾淨企理，仲有我鍾意食嘅小龍蝦！二話不說就揀咗呢間入去一試龍與鳳～～麻辣小龍蝦 ($148)川菜我真係食得多！呢一間嘅小龍蝦真係冇得頂！可能因為六七月的時間，小龍蝦特別肥美，隻隻都有膏～～～佢嘅辣度真係唔係講笑！不過我同朋友越食越起勁，非常惹味！而且小龍蝦一啲都唔油膩，餐廳仲好細心咁提供咗手套俾我哋，方便剝殼進食，就算污糟咗仲有濕紙巾提供，真係好貼心👍👍👍👍👍涼拌溫室青瓜 ($39)平時去開大型連鎖店食川菜，都係一式一樣嘅涼拌開胃菜。川大哥無論味道或者擺盤，都令我眼前一亮，就算只係一碟簡單嘅涼拌青瓜，擺碟精美，而且味道更加係前所未食過咁好食，佢嘅青瓜選用了十分新鮮嘅食材-溫室青瓜，我真係前所未食過咁爽脆嘅青瓜，好想知道廚師用什麼方法處理過，令到青瓜咁爽口同埋好食，我同朋友一食個青瓜都讚不絕口，異口同聲一致講話未食過咁好食嘅青瓜～青藤椒魚鍋（小）（$198)鴨嘴魚/江豚魚/鯛魚片等等可按自己口味選擇👍👍多過兩個人可以選擇大份😁兩個人嘅話，如果仲想試其他菜式，選小
麻辣小龍蝦 ($148)
川菜我真係食得多！呢一間嘅小龍蝦真係冇得頂！可能因為六七月的時間，小龍蝦特別肥美，隻隻都有膏～～～佢嘅辣度真係唔係講笑！不過我同朋友越食越起勁，非常惹味！而且小龍蝦一啲都唔油膩，餐廳仲好細心咁提供咗手套俾我哋，方便剝殼進食，就算污糟咗仲有濕紙巾提供，真係好貼心👍👍👍👍👍
涼拌溫室青瓜 ($39)
平時去開大型連鎖店食川菜，都係一式一樣嘅涼拌開胃菜。川大哥無論味道或者擺盤，都令我眼前一亮，就算只係一碟簡單嘅涼拌青瓜，擺碟精美，而且味道更加係前所未食過咁好食，佢嘅青瓜選用了十分新鮮嘅食材-溫室青瓜，我真係前所未食過咁爽脆嘅青瓜，好想知道廚師用什麼方法處理過，令到青瓜咁爽口同埋好食，我同朋友一食個青瓜都讚不絕口，異口同聲一致講話未食過咁好食嘅青瓜～
青藤椒魚鍋（小）（$198)
鴨嘴魚/江豚魚/鯛魚片等等可按自己口味選擇👍👍多過兩個人可以選擇大份😁兩個人嘅話，如果仲想試其他菜式，選小份都已經足夠了，佢仲可以俾你選擇加配肥牛，都只係加大概$50！唔單止涼拌菜令我驚喜，我平時去食川菜都會試青藤椒魚，係我經常會點嘅菜式，川大哥係以打邊爐嘅形式上枱，川菜已經有辣勁嘅口味，加上打邊爐的形式，令到魚片更加新鮮熱辣好味！開大火滾起，魚片以最佳狀態彈牙示人，鮮！美！
我哋另外叫咗個燒茄子 ($39)，茄子上的辣椒蒜蓉非常惹味，唔會過鹹，調味十分恰到好處，我大概估計到佢哋嘅串燒應該都非常唔錯，但我哋今日兩個人食唔到太多，所以決定下次再encore呢間餐廳試佢嘅串燒😍
天氣熱辣辣，我叫咗個自家製無糖冷泡茶（$17)，佢哋有玫瑰烏龍味，白桃烏龍味，我今日試咗白桃烏龍味，啱晒我呢d 想減少攝取糖份嘅人😆朋友想gur 一gur，叫咗個有汽芬達（$13)。我見到其他枱嘅客人都會叫一大杯啤酒beer 一beer。其實啤酒同川菜又真係幾夾！特別係串燒😆
呢間餐廳的菜式見微知著，簡單的一道菜都整得好好食，即使今次第一次嚟食，我同朋友已經約定下次再一齊嚟😆😆餐廳用心嘅招待，好多細心位都令我好難忘～所以我一定會推介俾其他朋友❤️
川大哥 (深水埗)
地址：深水埗黃竹街29號地舖
Post
