Video
Read full review
2021-09-23
327 views
落街跑步時發現第一街轉角開咗間新餐廳「The Bottle & Steak」，本身以為佢係酒吧，但行近望望佢個餐牌，先知原來佢有食物賣，甚至你可以稱呼佢為扒房🥩。餐廳環境裝修簡約，行工業風，選用高枱能夠提升空間感。呢度整個氣氛令人舒服😌，係放工後鬆一鬆暢飲嘅好地方。其實一入餐廳你會發覺後方位置有一堆飲品雪櫃，好似便利店咁。你冇睇錯，佢哋唔係擺設嚟，餐廳售賣各式各樣嘅啤酒汽水🍻，飲品整齊排列，任君選擇，比起寫上餐牌更能掌握每樣飲品嘅特色。美國安格斯平鐵牛扒USDA Flat Iron Steak($128)，平鐵牛扒係近年特別流行嘅部位🐮，佢其實即係翼板肉，係成隻牛入面僅次於牛柳最嫩滑嘅位置，而且肉味香濃，但呢塊扒中間有條筋，所以肉質韌咗少少。牛扒雖然唔係Prime級，不過烹調方法令佢充滿住燒烤嘅香氣，做到色香味俱全！廚師控制火喉得宜，七成熟啱啱好🔥。澳洲豬鞍架AUS Pork Rack($158)，🐷豬鞍竟然比牛扒還要貴，不過又真係幾好食嘅。豬鞍扒夠厚身，肉質唔嚡兼且富有肉汁，邊邊位帶點肥膏，食落更加香口。除咗肉扒以外，主菜仲配以厚切薯條🍟同沙律菜🥗，一人食晒成碟超滿足，男仔食都會夠飽
落街跑步時發現第一街轉角開咗間新餐廳「The Bottle & Steak」，本身以為佢係酒吧，但行近望望佢個餐牌，先知原來佢有食物賣，甚至你可以稱呼佢為扒房🥩。
餐廳環境裝修簡約，行工業風，選用高枱能夠提升空間感。呢度整個氣氛令人舒服😌，係放工後鬆一鬆暢飲嘅好地方。
其實一入餐廳你會發覺後方位置有一堆飲品雪櫃，好似便利店咁。你冇睇錯，佢哋唔係擺設嚟，餐廳售賣各式各樣嘅啤酒汽水🍻，飲品整齊排列，任君選擇，比起寫上餐牌更能掌握每樣飲品嘅特色。
美國安格斯平鐵牛扒
$128
11 views
0 likes
0 comments
美國安格斯平鐵牛扒USDA Flat Iron Steak($128)，平鐵牛扒係近年特別流行嘅部位🐮，佢其實即係翼板肉，係成隻牛入面僅次於牛柳最嫩滑嘅位置，而且肉味香濃，但呢塊扒中間有條筋，所以肉質韌咗少少。牛扒雖然唔係Prime級，不過烹調方法令佢充滿住燒烤嘅香氣，做到色香味俱全！廚師控制火喉得宜，七成熟啱啱好🔥。
澳洲豬鞍架
$158
26 views
0 likes
0 comments
澳洲豬鞍架AUS Pork Rack($158)，🐷豬鞍竟然比牛扒還要貴，不過又真係幾好食嘅。豬鞍扒夠厚身，肉質唔嚡兼且富有肉汁，邊邊位帶點肥膏，食落更加香口。除咗肉扒以外，主菜仲配以厚切薯條🍟同沙律菜🥗，一人食晒成碟超滿足，男仔食都會夠飽肚。
挪威煙三文魚玫瑰
$58
13 views
0 likes
0 comments
橄欖油炒西蘭花苗Sauteed Broccolini($48)，🥦西蘭花好常見，但西蘭花苗就少見好多，後者花少莖長，係西蘭花同芥蘭嘅混種。不過兩者味道類同，簡單用橄欖油炒已經唔錯，爽口又清甜。
飲品方面，我哋揀咗Macario Blood Orange Soda($22)同Mongozo Banana Beer($42)，兩者都係水果主題，前者係血橙味汽水🍊，味道唔會太甜，同一般橙味真係有啲不同。後者係香蕉味啤酒🍌，呢個組合好新穎，聞落蕉香十足，飲落覺得算易入口，一啲都唔苦，啱女仔飲。
總括嚟講，我幾鍾意呢間餐廳，佢概念清晰，唔花巧，Bottle + Steak = Simple is the best☺️。以後想同朋友簡單食飯据扒吹水，首選呢度，而且佢仲要唔收加一服務費㗎。唱返首歌先：一塊扒來驗證佢，一枝酒全力攻破🍺～～～。
Post
