Maison Eric Kayser

Open Now

Now Closed

之前買過份三文治覺得幾好食。想買生日蛋糕，又想有啲新意，中午時去睇下呢度有無。見到有啲款都幾特別，價錢亦不算太貴，選最大的都係$348，可以接受。於是經過諮詢意見，選定款色，黃昏再去落單。點知再去個蛋糕單張唔見咗，收錢時打單$358，貴咗$10。我問點解，佢話調整咗價錢，所以個牌都除咗，我問同一日有兩個唔同價錢？佢話係剛加咗價。我都唔知係咪我英文唔好聽唔清楚店員解釋定係被當水魚。就算要加價都應該第二天先生效，何況當時已臨返關門，怎麼會突然有客就調整。我確實覺得這種銷售手法很不合理，不過為了買個特別的蛋糕，我就算了。只是因為這次店員的手法，我真是覺得自己被騙，可能將此店列為不會再光顧，除非佢個蛋糕真係超級好食啦。