緣聚

Open Now

Now Closed

緣聚Together一向係一眾元朗朋友食放題嘅好選擇，個場好大，地方闊落，有塌塌米座位，坐得舒服又有氣氛。今次同朋友星期日黎放題每位$308，加$190升級豪華放題，可以任食生蠔同松葉蟹，甲羅燒，特厚嘅鰻魚同多款特飲，非常吸引！坐低一定先點一個刺身大拼盤，超多款刺身，肥美嘅三文魚油甘魚，鮮甜嘅帶子甜蝦等等以外，仲有爽口彈牙嘅赤貝，甜美海膽！！法國生蠔任食，雖然唔大隻，但都好鮮甜，可以食多幾隻！松葉蟹鉗甲羅燒，平時要係居酒屋先有得食，係呢度升級左就任食，會配上魚乾，而非餠乾，非常重本！蟹膏鹹香佐酒一流！超級特厚燒鰻魚！一般放題唔會有得食！肉厚爽彈，鰻魚汁相對冇咁多唔會咁甜！係呢度就非常滿足鰻魚控！多款串燒炸物，牛舌羊架啖啖肉也是不錯！飲品選擇固然多，但超特大杯Hoegarrden 生啤先係我最愛，多氣，杯都係冰杯，好甜心。甜品方面除咗雪櫃任攞雪糕甜筒雪條外，仲可以order Together甜品拼盤，有日式布甸，鯛魚燒，泡芙， 木糠布甸，啱曬畀女士們打卡。