泰歡迎

Open Now

Now Closed

其實去過泰歡迎好多次，因為真係好好味，所以今次點都要比個好評幾位泰國人。雖然環境比較舊同衛生情況睇落唔太理想，但佢哋嘅食物真係用大鑊炒，每次都聽到廚房嗰啲火候聲，真係好正。如果食佢哋嘅炒餸，一定唔會後悔，因為真係好香口，而且唔會太油，係真係食到佢嘢食嘅香味，同埋個獻汁。我自己就最鐘意通菜，因為夠爽夠甜，又可以吸晒啲汁。另外就係炒肉碎包生菜，就算唔包生菜淨係餸飯都好夾。佢個冬蔭公唔算話超級辣，但係好正宗，有齊晒冬蔭功要嘅料，例如草菇，所以成個湯會好甜，仲有after taste。當然Pad Thai都好好味啦，不過就真係好飽肚，如果嗌到成枱餸，就難啲食得晒，睇下你幾多個人啦，因為佢啲嘢食都相當多同足料。重點係佢有成3個員工，又有咁多泰菜選擇同咁好味，但價錢一啲都唔貴！應該係話相當之平先啱！