一點心 (通菜街)

Open Now

Now Closed

黎依到食野係因為真係非常鍾意佢湯,除左真材實料,最緊要係無味精,好有住家既感覺, 今次係依個西洋菜豬骨煲陳腎,西洋菜煲湯真係好住家感覺,加少少南北杏蜜棗，煲得夠火候之外，味道夠哂濃,耐無飲真係非常正。之後當然要食D點心,依個蟹黃蒸燒賣﹑燒賣當然係依到既代表, 唔太鍾意食酒樓食,因為只有豬肉同味精食落真係一D驚喜都唔會,不過依到既蟹黃燒賣,個頂部就有少少蟹籽係到同埋一隻蝦, 依個蝦肉非常之爽口同好有鮮味, 而豬肉又唔會太多,肥瘦比例岩岩好,水準真係幾高嫁。另外就係生炒糯米飯,賣相非常吸引糯米飯粒粒分明, 臘味既香味好香;飯粒軟硬岩岩好,雖然粒粒分明但又唔會無左糯米飯本身個種黏性,而且臘味既油香,食落慢慢滲出黎,真係諗起都想食番次。