Video
Read full review
2023-05-25
66 views
我發覺我真係一星期起碼要食一次日本野，如果唔係周身唔聚財😅呢個星期去左呢間居酒屋《稻乙》，經openrice訂座有全單9折。呢到裝修好日系，仲有埋包廂。員工態度超nice！係到食飯有好溫馨既感覺☺️當日仲做緊720ml清酒買一送一，可惜我同朋友都唔太飲清酒所以無享用到個優惠。呢到食物堅高質，絕對係少有我會encore既餐廳，當晚食既所有野真心有讚無彈👍🏻✨✨✨✨水雲配珊瑚蓉水雲滑捊捊，白色既珊瑚蓉食落好似淮山咁，但爽口好多。個酸汁酸得黎仲有少少薑味，好清新開胃。🦪真蠔 大隻肥美、爽口，海水味唔太重，有少少金屬味，好似我咁唔太食到蠔既人都完成接受到 。🐟左口魚薄切睇落晶瑩剔透，薄切咁食可以食到個鮮味甘香。由味魚味較清淡，可將辣蘿蔔蓉同蔥花擺係魚上面 捲埋一齊，再沾酸汁食。另外有幾嚿落咗豉油火炙過既左口魚邊，油脂十分豐富，香得黎又帶少少爽口。🦐炸北海道白蝦完全唔油，好香好脆口，係一流既送酒小食。🦑牛油炒魷魚魷魚新鮮彈牙，每一嚿都帶有牛油香。🍢厚燒牛舌厚身得黎又好爽口，可配芥末醬一齊食。必試！🍢雞腎平時食雞腎難免會有浸味，但呢個無怪味之餘仲好爽口有嚼勁。🍢雞軟骨外酥內脆。🍢雞橫膈膜估唔到呢到都
呢個星期去左呢間居酒屋《稻乙》，經openrice訂座有全單9折。呢到裝修好日系，仲有埋包廂。
員工態度超nice！係到食飯有好溫馨既感覺☺️當日仲做緊720ml清酒買一送一，可惜我同朋友都唔太飲清酒所以無享用到個優惠。
呢到食物堅高質，絕對係少有我會encore既餐廳，當晚食既所有野真心有讚無彈👍🏻
✨✨✨
✨水雲配珊瑚蓉
水雲滑捊捊，白色既珊瑚蓉食落好似淮山咁，但爽口好多。個酸汁酸得黎仲有少少薑味，好清新開胃。
🦪真蠔
大隻肥美、爽口，海水味唔太重，有少少金屬味，好似我咁唔太食到蠔既人都完成接受到 。
🐟左口魚薄切
睇落晶瑩剔透，薄切咁食可以食到個鮮味甘香。由味魚味較清淡，可將辣蘿蔔蓉同蔥花擺係魚上面 捲埋一齊，再沾酸汁食。
另外有幾嚿落咗豉油火炙過既左口魚邊，油脂十分豐富，香得黎又帶少少爽口。
🦐炸北海道白蝦
完全唔油，好香好脆口，係一流既送酒小食。
🦑牛油炒魷魚
魷魚新鮮彈牙，每一嚿都帶有牛油香。
🍢厚燒牛舌
厚身得黎又好爽口，可配芥末醬一齊食。必試！
🍢雞腎
平時食雞腎難免會有浸味，但呢個無怪味之餘仲好爽口有嚼勁。
🍢雞軟骨
外酥內脆。
🍢雞橫膈膜
估唔到呢到都食到雞既稀有部位 ，食落Q彈。
🍢日本阿波尾雞翼
無激素、無抗生素、雞味濃郁既阿波尾雞。雞皮燒到金黃色，皮脆肉嫩。
🐟魚湯稻庭烏冬
用鱲魚同時令魚熬製，奶白色既魚湯鮮而唔腥。烏冬煙韌，凈係個湯我都可以飲幾碗！
Post
