妹記大排檔

Open Now

Now Closed

我之前曾經嚟過呢間餐廳，當時嘅食物質素係唔錯嘅，所以今日再嚟重溫舊夢。然而，今次嘅經歷真係令我失望到爆。首先，98蚊嘅炒蜆完全唔值呢個價錢，入面淨係得14隻蜆，每隻蜆大殼小肉，4個人每人食3舊已經食曬，份量少到令人懷疑人生。然後，98蚊嘅黃金魷魚更加係一個災難，雖說調味唔錯，但係好韌之餘，粉比魷魚肉多得多，口感非常唔好。炸蠔餅同腐乳通菜雖然係正常發揮，但都冇乜特別驚喜。最後嘅黑椒薯仔牛柳粒，牛肉份量少得可憐，根本唔夠分。總括嚟講，今次嘅用餐體驗真係大打折扣，唔會再嚟光顧。