Video
Read full review
2021-11-19
4343 views
近排好鍾意周圍試唔同國家嘅菜式， 之前食過斯里蘭卡同黎巴嫩菜都超有驚喜！今次就黎到中環主打日系秘魯菜嘅Tokyolima。原來 Nikkei (秘魯菜與日本料理結合) 已有逾百年嘅歷史！餐廳燈光昏暗，非常有情調！估唔到平日都超爆滿！有好多枱都係到慶祝緊生日，店員們會一齊唱生日歌，超有氣氛！係慶祝生日嘅好地方！夜晚黎到唔想諗仲可以嗌𝙋𝙇𝙀𝘼𝙎𝙀 𝘾𝙃𝙀𝙁 𝙁𝙀𝙀𝘿 𝙈𝙀 有成十道菜！份量十足！食到勁飽！————————————————⠀⠀⠀𝙋𝙇𝙀𝘼𝙎𝙀 𝘾𝙃𝙀𝙁 𝙁𝙀𝙀𝘿 𝙈𝙀 $490 P.P.𝘿𝙧𝙞𝙣𝙠𝙨 𝙋𝙖𝙞𝙧𝙞𝙣𝙜 +$1981️⃣Tuna & Watermelon Tartare估唔到吞拿魚同西瓜又幾夾喎！西瓜清甜爽脆多汁，吞拿魚軟腍，加埋軟滑牛油果同酸甜柑橘醬汁，成件事好清新開胃。面頭仲有超薄脆嘅蕃薯脆片，蕃薯味又幾岀喎~2️⃣La Causa炸蝦天婦羅外皮幾脆，略嫌炸衣厚左啲。 底下嘅紅菜頭薯仔蓉 加入左秘魯辣椒，微辣清新，連唔食紅菜頭嘅家姐 都忍唔住食晒。3️⃣Cerviche PH秘魯版生魚片~ 油甘魚、蝦 伴以柑橘醃料 Tiger’s
餐廳燈光昏暗，非常有情調！估唔到平日都超爆滿！有好多枱都係到慶祝緊生日，店員們會一齊唱生日歌，超有氣氛！係慶祝生日嘅好地方！
夜晚黎到唔想諗仲可以嗌𝙋𝙇𝙀𝘼𝙎𝙀 𝘾𝙃𝙀𝙁 𝙁𝙀𝙀𝘿 𝙈𝙀 有成十道菜！份量十足！食到勁飽！
————————————————⠀⠀⠀
𝙋𝙇𝙀𝘼𝙎𝙀 𝘾𝙃𝙀𝙁 𝙁𝙀𝙀𝘿 𝙈𝙀 $490 P.P.
𝘿𝙧𝙞𝙣𝙠𝙨 𝙋𝙖𝙞𝙧𝙞𝙣𝙜 +$198
1️⃣Tuna & Watermelon Tartare
估唔到吞拿魚同西瓜又幾夾喎！西瓜清甜爽脆多汁，吞拿魚軟腍，加埋軟滑牛油果同酸甜柑橘醬汁，成件事好清新開胃。面頭仲有超薄脆嘅蕃薯脆片，蕃薯味又幾岀喎~
2️⃣La Causa
炸蝦天婦羅外皮幾脆，略嫌炸衣厚左啲。 底下嘅紅菜頭薯仔蓉 加入左秘魯辣椒，微辣清新，連唔食紅菜頭嘅家姐 都忍唔住食晒。
3️⃣Cerviche PH
秘魯版生魚片~ 油甘魚、蝦 伴以柑橘醃料 Tiger’s milk，酸尾尾作為前菜好開胃。略嫌蝦肉偏腍唔太彈牙。
4️⃣Maguro Nuevo
由吞拿魚、牛油果、蟹籽製作而成嘅卷物~ 飯粒唔會太硬，味道就無乜驚喜。反而碟上面粉紅色嘅紅菜頭蛋黃醬唔錯喎~
5️⃣Lomo Saltado “El Taco”
薄餅超脆！上面exactly係青椒炒牛肉嘅味道 微辣惹味~
6️⃣Pan Con Chickarron
迷你慢煮豬腩包~ 豬腩肉 肥膏比例極高！油脂感好重。醬汁酸甜，加上爽口醃洋蔥，食落清新濕潤 唔太油膩，仲有啲甜甜地嘅紅薯。美中不足嘅係塊肉薄左啲，食肉獸唔太滿足。
7️⃣Grilled cod
望落平平無奇，但一食不得了！魚皮煎到脆身帶焦香，肉質好嫩滑仲好juicy添，鮮味十足。配埋帶黃椒香氣嘅醬汁，好食！極力推薦！
8️⃣Chicken Yakitori
雞肉串外皮香脆，肉質軟嫩有肥膏，略嫌邊邊位有少少燶。醬汁香甜，底下仲有啲軟腍薯仔。
9️⃣Tacu Tacu
秘魯炒飯 炒得好乾身，粒粒分明。炒飯夾雜住軟綿腰豆、爽口多汁嘅甜椒，口感豐富。炒飯仲加左傳統秘魯醬汁，香料味超濃！頭幾啖有少少食唔慣，但竟然越食越好食！
🔟Dessert
當熱烘烘嘅香蕉遇上雪糕，冰火交融，螞蟻人表示食到肚都爆都忍唔住繼續食。香蕉香甜軟腍，邊邊仲帶點香脆，加埋紅桑子、花生粒，口感幾豐富
Post
