春芳號 (立輝大廈) (Closed)

炎炎夏日，經過想飲杯冰涼嘅珍珠奶茶。當時見到有外賣員等緊，但係無諗咁多就落order。店員亦無講乜嘢。結果等等等，我就喺室外汗疊汗等咗20分鐘！期間一路出一袋袋嘅外賣。而且喺我後面落order嘅都有喇！我即刻上前問店員，佢無直接回應亦無道歉，只係嗱嗱聲整我杯飲品。珍珠奶茶無可能expect要等20分鐘。既然你咁多單，你好應該落order時要話俾我知會等比較耐，我再決定要唔要。仲有，我後面落order嘅都有（其實佢係skip咗我同我後面，出咗後後面嘅單）好明顯係漏單，但係一句道歉都無。真係好離譜。杯飲品嚟講，我叫咗杯紫薯珍珠奶綠。都OK嘅，但係完全唔值得等20分鐘囉。