Video
Read full review
2009-03-27
18 views
尋日(26-3-2009 Thur)因爸爸去睇醫生,住家人都會一齊食晚飯,所以約佢o地o黎食.今次我唔叫套餐喇,8:00pm同男友上到o黎,家人未到,就慢慢睇吓menu先,但其實已諗定叫咩食,8:15pm全家到齊後,就叫:2. 山東燒雞上星期五食過,覺得好食,所以要encore. o黎到,依然大大碟,今次被亞叔淋晒啲汁上去,咁樣好似好食過要自己蘸,味道濃郁啲.而呢個全家都讚,姪女更係咁食,用汁送飯就一個人食晒成碗,真係勁.1.凍豚肉粉皮要食粉皮但唔想食雞,因為好多o野都係雞,所以問亞叔重有咩肉o既粉皮,佢就話凍豚肉,啊,好吖,就呢個.o黎到,唔係伴以麻醬,而係帶少辣o既汁,食落,粉皮好滑,豚肉OK.7. 北京填鴨又係北京填鴨,原本我唔想叫,但大哥話呢間最出名o既唔叫?咁就叫啦,爸爸話呢個唔錯.3. 8個叉子呢個係朋友叫我一定要叫o既,o黎到,冇肉碎伴上o既?我o地就加京蔥爆羊o黎食,叉子本身冇咩味,不過就幾脆口,一定要伴入其他餸o黎食,我o地覺得伴賽螃蟹好味,男友就覺得用大蔥蘸烤鴨醬食最好食.4. 賽螃蟹都係同上次一樣,爸爸都話好食,6. 京蔥爆羊佢同叉子一齊上,呢個味道冇想像中咁濃,
2. 山東燒雞
上星期五食過,覺得好食,所以要encore. o黎到,依然大大碟,今次被亞叔淋晒啲汁上去,咁樣好似好食過要自己蘸,味道濃郁啲.而呢個全家都讚,姪女更係咁食,用汁送飯就一個人食晒成碗,真係勁.
1.凍豚肉粉皮
要食粉皮但唔想食雞,因為好多o野都係雞,所以問亞叔重有咩肉o既粉皮,佢就話凍豚肉,啊,好吖,就呢個.
o黎到,唔係伴以麻醬,而係帶少辣o既汁,食落,粉皮好滑,豚肉OK.
7. 北京填鴨
又係北京填鴨,原本我唔想叫,但大哥話呢間最出名o既唔叫?咁就叫啦,爸爸話呢個唔錯.
3. 8個叉子
呢個係朋友叫我一定要叫o既,o黎到,冇肉碎伴上o既?我o地就加京蔥爆羊o黎食,叉子本身冇咩味,不過就幾脆口,一定要伴入其他餸o黎食,我o地覺得伴賽螃蟹好味,男友就覺得用大蔥蘸烤鴨醬食最好食.
4. 賽螃蟹
都係同上次一樣,爸爸都話好食,
6. 京蔥爆羊
佢同叉子一齊上,呢個味道冇想像中咁濃,羊肉亦唔羶,我懷疑係咪咩肉o黎.
7. 火腿津白
由於冇菜,叫大哥揸主意叫咩菜,佢就揀o左津白.火腿係金華火腿,津白有少少奶味,幾滑.
5. 砂窩雲吞雞
雲吞冇乜問題,隻雞腍晒又滑,好味,而啖湯,大哥激讚,話好清同冇味精.
9. 高力豆沙(送)
食到好飽,想叫拔絲香蕉都要放棄,而最後送呢個甜品,就只有二嫂,我同二哥食到.微暖o既高力豆沙,內裡o既豆沙餡係煲到好幼細,一啲粒粒都冇,又唔太甜,好食.
唔覺唔覺原來我哋叫咗咁多嘢食,最後我o地將四個高力豆沙同半個叉子打包拎走.
環境:
原本以為我o地又會坐返上次中間o個張枱,點知唔係,係近收銀o個邊,被柱同其他枱圍住o個張,有啲位比較迫.
衛生:
有隻小昆蟲飛o黎飛去,好煩厭.
服務:
大致上冇問題,o係落單時,亞叔等我講晒我叫o既餸先,就畀意見我,開頭我重叫酸辣湯o既,亞叔就話砂窩雲吞雞有湯,多o左喎,咁我o地就放棄酸辣湯.
之後佢就話除北京填鴨外,全部o野都係細size啦.
而我落單時,都有叫拔絲香蕉,亞叔就話唔好叫住,食完至叫都唔遲.呵呵,驚我o地食唔晒所以唔畀叫住.
上述o既服務其實真係唔錯,可惜當上砂窩雲吞雞時,因為冇位,大哥叫亞叔唔好幫我o地分住,之後再叫時,個亞叔就發牢騷話,頭先話幫你分時又話唔分,o衣o家唔得閒分,等陣啦(我唔肯定呢個亞叔係咪之前o個個).之後就又另一位o黎分.
今餐埋單$981.00
Post
