築地EbiKin拉麵 (Closed)

星期日去PMQ，想去嘅幾間餐廳都冇開，朋友話好耐冇食拉麵，就入咗呢度試下。叫咗大蝦湯麵，可以揀蝦湯或者豬骨湯，咁我當然揀前者啦。麵一黎到就飲啖湯先，有蝦嘅甜味，但比起一虎嘅海老虎湯麵淡好多，溫度亦唔夠熱。至於麵，要了硬嘅幼麵，煮得啱啱好，係我想要嘅，掛到湯汁！配料嘅大蝦有羔而且幾爽甜；厚切嘅豚肉好爽唔油膩，但唔知係咪師傅將佢用焗爐焗完就放喺麵上面，我覺得啲肉同碗湯麵有種分離感，唔夠match；糖心蛋中規中矩；蔥段有齊大細兩種，都幾少有，而且令個湯頭香d；貢菜鹹鹹爽爽同個湯都幾夾。我對湯頭嘅要求好高，所以呢碗麵味道只係合格，但價錢唔平，所以到此一遊就夠喇。