Sabatini 意大利餐廳

Open Now

Now Closed

知名的餐廳，就算一個人去，我都事先book好位。下午2:30就唔接受order，接電話的人無講，可以原諒。set lunch好抵食，同單點一個pasta差唔多，點可以唔試！坐定定就瘋狂拍照，很有味道，睇到作為優質餐廳應該具備的各種細節。無人會對你側目，反正我想點都得。starter揀選了意大利傳統前菜自助餐，吞拿魚、parma火腿、意大利進口蜜瓜都好好味，值回票價，但烟三文魚有點咸。main dish特登唔叫pasta，寧食肉不食面戒緊澱粉。問過經理羊扒份量唔會好多，啱曬！desert可以係車上揀2樣，我選了著名的拿破倫，另一款由waiter為我揀，是提拉米蘇，very nice pick！服務好好，知道我食唔曬面包，好nice幫我打好包，也是很好食！據說新裝修過，仲會擴建，一定會再去。