天下鳥 (Closed)

同女朋友去大美督前食少少野，上網睇大埔有咩好食既小食，就search一田裡面推介食炸雞，去到大埔超級城，入到去就好快搵到，其實係間細舖，叫左一個88特色醬+蛋黃醬章魚小丸子（6粒/$38）。另外，叫咗炸雞配明太蛋黃醬（6件/$33）。本來諗住堂食，但係嗰度封咗只可以外賣，所以去咗商場附近食。明太子蛋黃醬值得一試，明太子味好香，但係唔腥，而雞都算滑，又唔多炸粉，唔錯唔錯。（食左兩舊覺得幾好食，即刻補返影相）小丸子味道都唔差，間中粒章魚都大粒，同埋蛋黃醬都多，食落又唔會好粉，或者一劈劈咁，兩樣都值得一試。