鳴虎 (新城市廣場三期) (Under Renovation)

今日同屋企人行完一田行到攰攰地就求其搵間餐廳食晚餐咁啱有間餐廳食拉麵，記得呢間餐廳之前喺北角食過都唔錯，今次就揀咗嚟食晚餐。呢間餐廳鋪位比較細小得幾張枱凳，裝修風格比較簡約。今次我哋就叫咗個鳴虎拉麵同埋鳴海老拉麵仲有小食芝麻雞翼。鳴虎拉麵日本魚乾豬骨湯拉麵湯底充滿非常濃郁嘅豬骨味同魚乾味濃而不膩，拉麵粗幼度適中口感彈牙軟滑，更配上咗大大塊嘅叉燒肥瘦適中，以及脆口既木耳絲，紫菜同埋入口甘香既流心半熟蛋。鳴海老拉麵蝦味噌豬骨拉麵湯底帶有啲櫻花蝦粉鹹鹹香香，同埋鹹中帶甜嘅味噌十分鮮味，另外面頭更鋪滿櫻花蝦增加口感，麵條非常掛汁。芝麻雞翼一共有三隻大大隻，炸得^得非常脆口非常有驚喜。