Cova Ristorante & Caffe (Closed)

本來唔好食甜食，只不過有客請食飯，重請埋食甜品，當然唔會同佢客氣去到門口個男侍應都幾有禮貌咁叫咗我地入去，咁入咗去見到一個眼鏡高瘦木口木面的男侍應咁我地坐咗個最埋面的位。當時十點但係坐滿人，咁都冇辦法，而同行問佢可唔可以一陣換位，嗰個人就話＂換倒就換啦＂，講野都好堀吓點野食時同行想叫嗰個人，本座同佢講＂呢個人幾冇禮貎，叫第二個啦＂，之後有一個後生而有禮的侍應幫我們點野食，大家都叫咗雪榚套餐，本座的飲品係凍檸茶只係食咗一啖雪榚，發現佢的確好食過隔離Häagen-Dazs啲粗野，起碼呢到啲雪樣又軟又滑，有牛奶味，唔似從雪房攞出來的一樣，但因為咁杯雪榚都幾快變水。塊朱古力牌就差啲，硬到咬唔開，甜到牙都受唔住檸茶就好細杯，啲檸檬又密到塞唔入個杯入面。而因為個杯好高身，篤檸檬大力啲都好易倒舍。呢啲檸檬好過茶餐廳啲非洲檸檬，但切得太細塊好難篤。好彩杯茶都冇變過苦，算抵讚的因為本座先前見有空位就換位而冇＂徵求＂過佢，所以買單嗰時佢唔係咁高興。同行好人，唔同佢計較，畀咗幾多貼士，算呢一個人好彩。如果唔係呢個惡人，呢間野餐廳算係唔錯的聚腳點