定食8 (Closed)

第一次嚟呢間食，水準就真係非常之一般啊！記住落完單之後，當員工俾番張單俾你，自己記住睇多次，因為佢哋極有機會入漏單，到時自己等咗好耐都未有得食。成餐飯最正常就係個咖喱漢堡飯，整體來講個咖喱都幾好味，小小辣，唔係嗰種帶甜嘅咖喱，個人就幾鍾意呢款啦。魚生飯就一般啦， 40幾蚊，唔可以要求太多，不過啲飯真係超級少，俾佢個碗呃左。所以，要加多其他嘢食先夠飽。加咗$10陪唐揚炸雞，都OK嘅。又叫咗個綜合刺身，質素一般，好似唔係太夠凍。明太子雞翼都係正常啦。但係我就唔會再幫襯啦，因為食咗咁多嘢都百幾蚊一個人，咁我不如俾多少少錢食好少少好過啦。