海景粥店茶餐廳

Open Now

Now Closed

焗豬對呀dee黎講有一種無形既吸引力，因為我真係好中意食，去到邊到都會試下，但係暫時都係得太子明寶石同九龍城澳門茶餐廳先吸引到我。我咁岩打完波，屋企冇留飯，自然就落九龍城搵野食，宜家九龍城係夜晚都仲有好多野揀，其中價錢最比較平，或者性價比高就一定係海景，因為勝在選擇多（丁面又有、飯又有、腸粉、粥樣樣都有）咁當然佢既粥同腸粉真係有水準，平時就最中意牛肉粥加炸両。焗豬扒飯但是呀dee去到又忍唔住叫左焗豬排飯，都等左十幾分鐘已經有得食，五十幾蚊有焗飯有野飲，性價比very 高。上到黎仲熱辣辣，見到d茄汁湧下湧下咁，賣相真係唔錯，佢豬扒就兩件，但是就偏肥，同埋茄汁就好普通冇茄蓉，飯就有炒底，份量都好夠，男仔夜晚食就岩岩好。不過佢真係太普通，除左價錢合理，味道亦比較一般，下次都係食番粥好過！