NeNe Chicken (形點 I) (Closed)

今日係假期，食飯時間度度都要等位，見呢間炸雞店都唔算好多人等，今晚就決定食個韓式炸雞🍗夜啦餐廳餐牌既炸雞款式唔算太多，都係大路既醬油、大蔥等等。今次就叫左雙拼炸雞，可以選擇兩款口味同埋有骨/ 無骨雞。今次就試左韓國甜辣炸雞同初雪炸雞（即係芝士炸雞）。甜辣炸雞就甜度同辣度都岩岩好，唔食得辣既朋友都唔洗擔心，唔會好辣。芝士炸雞就炸得比較乾，芝士味就一般般，唔算太濃。總括而言，今次試既炸雞都炸得比較乾，味道唔算太突出，但近近地又想解下炸雞癮都可以一試既。