八一蕃巴蜀烤魚店 (鱟地坊)

Open Now

Now Closed

喜歡食麻辣既朋友，除左雞煲，其實仲可以試下麻辣烤魚～小店式經營，店員又親切又有禮貌～雖然唔係咩特別裝潢既店面，但未食佢既食物已經好有親切感！今次試麻辣味，佢有大中小麻辣選擇，魚既份量都有得選擇，兩個人食小邊已經好夠～因爲除左食魚之外，可以好似雞煲咁叫火鍋材料打邊爐～講番條魚，魚肉好滑，尤其腩位，超肥美！好夠味！小辣對於我剛剛好，麻既程度適中，愈食愈想食😋叫左份芹菜加雜菇！加落去吸曬d汁，正！我個人認為必點🤣另外，除左火鍋配料，仲有其他小食～試左個蒜泥白肉～都好好味，蒜香夠曬之外，佢每塊肉都夾左片青瓜！又爽口又可以解油👍🏻👍🏻👍🏻