永順食店 (Closed)

聽人講永順個沙嗲牛肉好堅，所以今日試左。沙嗲好重甜味，少香，微辣，個人嫌佢太甜，但事實個醬真係落好多好濃，唔係少少好稀咁。但你話係咪好好食？我覺得大把茶記好食過佢。聽講要食蟹王麵先好食，但星期日無貨，先揀左通粉。另外點左個雞扒福麵，雞扒好薄好咸，食完會腎病咁，咸到痴線。另外再點左個炸豬扒芝士流心蛋三文治。豬扒好薄得5mm厚，鬆脆但又係好咸，頂唔順。雞蛋流水係正嘅但食到一手都係，好狼狽。芝士係普通卡夫芝士，無咩特吃，不值得吹奏。飲品叫左凍奶茶+凍奶茶紅豆冰。凍奶茶一般。奶茶紅豆冰$20，紅豆不太甜幾好。