Wheatfield X 羅宋湯專門店 (漢宮閣) (Moved) New Location

太古城區以連鎖店餐廳為主，要搵間小店食飯選擇真係少之又少。有時諗唔到食咩，我就會到呢間羅宋湯專門店。呢間羅宋湯的蕃茄湯底超濃，可以揀配豬肉或牛腩，我通常揀牛。如果叫套餐，可以揀羅宋湯配烏冬、撈麵或法式麵包。我揀的呢個餐係配法式牛脷包，法包焗得好鬆脆，牛脷切得好厚而且煮得冧， 夾住一齊食味道好得意，再配以一碗濃濃的牛腩羅宋湯，成個人即時暖笠笠，感覺好滿足！套餐的另一個食法是配撈麵，味道也不錯，而且一啲都唔油膩。