Zappy (Closed)

呢餐晚餐食得好滿足，係味道上嘅滿足，朋友都話呢間西餐好好味😄而且叫咗個主菜可以加幾十蚊就有個套餐，真係唔錯架！加上餐廳嘅環境都幾有格調，黃色嘅燈光，加上室內嘅環境有種溫暖嘅感覺，令人似置身於屋企用餐咁。今次前菜叫咗個海老蝦春卷，賣相吸引之處在於佢唔似一般春卷咁粗，而係幼身啲嘅，睇落去比較精緻，食落去味道亦是我同朋友大讚的，因為好酥脆，蝦嘅鮮美都好出，配埋佢個醬就更加有層次感，令人食完一條就想食第二條，真係值得叫嘅一道前菜！叫咗兩個主菜，第一個係檸檬大蒜燒三文魚，一上菜已經聞到燒三文魚嘅香味，而且賣相都係好靚，因為三文魚上有兩片特色嘅檸檬片同碟上嘅擺設都係好有心思的，三文魚嘅熟成程度剛剛好，肉質不會硬，旁邊嘅薯泥都絕不失色，鹹鹹地口感有點滑，十分好味。第二道道係海膽醬牛油果蟹肉意大利麵，每食一口味道都好豐富，牛油果蟹肉嘅鮮甜味，海膽醬嘅鹹鮮味，麵質都好有咬勁，每食一口都同朋友講真係好好味😋😋😋同埋都要讚一讚餐廳嘅廁所係獨立間而且幾整潔。