麻辣派對 (瑞生酒店) (Closed)

夏天係食辣解濕既時間, 今天又與好友來到麻辣派對開party~ 呢間食過好多次, 觀感不錯, 食辣時候都會諗起佢餐廳裝潢好似開party 咁五光十色前菜叫左個麻辣無骨鳳爪，超大隻鳳爪，類似口水汁既味道，用黎佐酒傾計一流猶豫究竟要吃水煮定香鍋, 2樣都好想食, 但最尾都係揀左香鍋~自選香鍋自己揀配料, 我地揀左花菜﹑羊肉﹑蓮藕﹑包菜﹑牛肉同土豆每次既份量都令我地嘆為觀止, 因為真係超大鍋而且佢好在會有個爐仔係下面滾住, 甘大鍋都唔會食到凍晒除左土豆唔係想像中的炸薯仔片之外, 其他都好入味, 不過今次唔係太夠辣, 下次應該可以叫大辣哈哈回鍋肉肉既份量絕不姑寒，包菜亦炒得很惹味，腩肉雖肥，但彈牙夠爽，值得一食！主食當然要有呢度既金牌酸辣水晶粉，酸辣粉酸辣度適中，紅薯粉晶瑩剔透，非常滑口。配料有榨菜、花生、香菜和肉碎，味道鮮辣辛香。