金御海鮮酒家 (Closed)

叉燒腸粉，佢塊皮依舊好厚又唔夠滑。不過不失，都叫足料既，叉燒蓉甜甜地有肉味，免強合格。迷你福建炒飯，估唔到咁好食架喎 ﹗炒飯底炒得香口乾爽，配埋雞絲、肉絲、菜莖、冬菇同濃郁芡汁，特別好味 ﹗最緊要夠熱。椒鹽魷魚鬚，炸得乾爽唔會油淋淋、唔會硬屈屈，外層鬆化香口、魷魚嚥靭有趙口。布拉腸粉，麻麻地的淨腸粉，食落黏口，粉皮同樣都係太厚亦唔夠滑呀，點甜醬、花生醬同吃過得去啦。水晶蝦餃，原粒蝦仔爽彈非常，好味道啦 ﹗懷舊馬拉糕，一睇見係啡色就知道係古法炮製啦 ﹗特別軟墊香甜，正 ﹗川芎白芍蒸魚頭，又黎我既至愛喇 ﹗藥膳湯，有益又健康，唔肥膩又足料 ﹗魚頭滑、肉味鮮，太好食喇 ﹗蟹籽燒賣，質量依舊高水準，蝦爽、肉香 ﹗叉燒包，點解硬係食唔返上年第一次食既味道呢？當時評語係重未食過咁好食既叉燒包，包皮軟棉棉、充滿麵粉香味，叉燒餡香甜味美熱騰騰。但依家完全係兩回事囉，係咪差左呀？好普通既叉燒包，包皮硬實、餡料甜甜地，有啲叉燒有啲醬咁囉，過得去，但無衝動去食。