Video
Read full review
2018-11-17
68 views
香港餐廳眾多，要全部試一次基本上都無可能，不過灣仔呢間餐廳就吸引到我一而再再而三咁幫襯今日約左辣妹朋友食飯，一知道佢想食辣，我二話不說就book左呢度餐廳位置係有d隱蔽，如果唔係之前黎過，我應該都唔會咁容易搵到所謂酒香不怕巷子深，為左好味嘅私房菜，無論佢隱身係邊，食家都一定搵得到雖然話係私房菜，但係環境都好乾淨企理可以話係麻雀雖小，五臟俱全隔離兩檯都係日本人，睇黎四姐名聲已經衝出香港啦！餐廳周圍都大大隻字寫明只收現金，提醒食客，避免埋單尷尬呢度人頭收費，按人數加大餸菜數目，我地兩個人就可以揀兩個涼菜同三個熱菜選擇超級多！天人交戰完，我地揀左以下五個餸1）重慶口水雞除左辣油，呢度會加埋豆鼓黎做調味，加上少少西芹，超級惹味2）夫妻肺片川菜經典 略嫌佢鹹左少少 同埋唔知點解佢上檯個陣熱熱地3）招牌重慶水煮魚水煮魚用上龍利魚柳，完全無骨，食起上黎安心又放心，魚肉索晒辣汁，而且非常滑溜，墊底仲有黃豆芽同薯粉，薯粉煙韌有彈牙，一個字，正！4）辣子肥腸成碟有數之不盡嘅辣椒、花椒同薑，所以平時豬腸個陣壓味完全癖走左，加上豬腸用油炸得好乾身，完全無油膩感覺，反而好香口，送酒一流啊！5）泡椒鱔片最後一碟上
今日約左辣妹朋友食飯，一知道佢想食辣，我二話不說就book左呢度
餐廳位置係有d隱蔽，如果唔係之前黎過，我應該都唔會咁容易搵到
所謂酒香不怕巷子深，為左好味嘅私房菜，無論佢隱身係邊，食家都一定搵得到
雖然話係私房菜，但係環境都好乾淨企理
可以話係麻雀雖小，五臟俱全
隔離兩檯都係日本人，睇黎四姐名聲已經衝出香港啦！
餐廳周圍都大大隻字寫明只收現金，提醒食客，避免埋單尷尬
呢度人頭收費，按人數加大餸菜數目，我地兩個人就可以揀兩個涼菜同三個熱菜
選擇超級多！
天人交戰完，我地揀左以下五個餸
1）重慶口水雞
除左辣油，呢度會加埋豆鼓黎做調味，加上少少西芹，超級惹味
2）夫妻肺片
川菜經典 略嫌佢鹹左少少 同埋唔知點解佢上檯個陣熱熱地
3）招牌重慶水煮魚
水煮魚用上龍利魚柳，完全無骨，食起上黎安心又放心，魚肉索晒辣汁，而且非常滑溜，墊底仲有黃豆芽同薯粉，薯粉煙韌有彈牙，一個字，正！
4）辣子肥腸
成碟有數之不盡嘅辣椒、花椒同薑，所以平時豬腸個陣壓味完全癖走左，加上豬腸用油炸得好乾身，完全無油膩感覺，反而好香口，送酒一流啊！
5）泡椒鱔片
最後一碟上檯嘅就係泡椒鱔片啦！泡椒係經過浸泡醃製嘅辣椒，好似泡菜版辣椒咁，本身帶酸味，同時降低辣度，對於無辦法食得太辣嘅人黎講，泡椒菜色可謂最佳選擇。呢碟菜除左黃鱔同泡椒之外，餐廳仲加左西芹。原來d西芹超級吸味，食落比黃鱔仲入味，全晚第一個被人搶晒就係d西芹啦！
食左咁多肉貌似唔多健康，餐廳好細心咁為每檯食客送上一碟蒜蓉油麥菜，雖然簡單，不過油麥菜清甜，食完以上重口味川菜都可以清下腸胃
過完辣癮，捧住個肚走lu～
提提大家，餐廳份量十足，千萬要留定個肚先好上去啊！
Post
