Video
Read full review
2021-04-20
961 views
第一篇食評,拖左好耐,成日想寫但懶,但難得遇到一間咁有心又抵食又好食,實在要的士心肝找數。利申: 本人係素食人士,有幸親愛同事包容無放棄我,必定去我有得食嘅地方,好開心,見到佢哋都欣賞同鍾意素食,今日介紹呢間就係大家最愛!注意事項: 去過呢間餐廳都感受到果種務實,唔需靠打手宣傳,佢哋只係踏實地用心對待食物, 係唔需要請打手 =)呢間餐廳不經不覺幫趁左差唔多3年,裝修平凡簡單,位置亦不顯眼,但卻成為我哋嘅飯堂,每次食同一款/新餸,都不由自主咁由心而發地感嘆+感動! 經歷疫情之後反而多咗人,希望令多啲人可以試下佢哋堅用心準備嘅食物! 每一樣,無論小菜定午餐,都感受到即叫即整!今日lunch, 3個人叫4個餸/飯/麵係基本,99.5%無餸剩,因為太好食。其實佢有啲午餐都好多選擇,即叫即炒/焗/餸+飯,都好好味,不過佢哋嘅小菜食過之後真係返唔到轉頭.支竹豆腐煲 (新嘗試)呢個餸同事揀嘅,其實我麻麻地支竹同豆腐,我承認我比較腌尖聲悶,所以唔敢出聲反對。。。🤣唔知係咪無期望,結果一黎到,無諗過豆腐係煮過先放落煲,個煲熱辣辣,夾野啲針仲會彈到手果隻,個汁甜甜地勁惹味, 支竹放咗落煲又另一風味。喜出
利申: 本人係素食人士,有幸親愛同事包容無放棄我,必定去我有得食嘅地方,好開心,見到佢哋都欣賞同鍾意素食,今日介紹呢間就係大家最愛!
注意事項: 去過呢間餐廳都感受到果種務實,唔需靠打手宣傳,佢哋只係踏實地用心對待食物, 係唔需要請打手 =)
呢間餐廳不經不覺幫趁左差唔多3年,裝修平凡簡單,位置亦不顯眼,但卻成為我哋嘅飯堂,每次食同一款/新餸,都不由自主咁由心而發地感嘆+感動! 經歷疫情之後反而多咗人,希望令多啲人可以試下佢哋堅用心準備嘅食物! 每一樣,無論小菜定午餐,都感受到即叫即整!
今日lunch, 3個人叫4個餸/飯/麵係基本,99.5%無餸剩,因為太好食。其實佢有啲午餐都好多選擇,即叫即炒/焗/餸+飯,都好好味,不過佢哋嘅小菜食過之後真係返唔到轉頭.
支竹豆腐煲 (新嘗試)
呢個餸同事揀嘅,其實我麻麻地支竹同豆腐,我承認我比較腌尖聲悶,所以唔敢出聲反對。。。🤣唔知係咪無期望,結果一黎到,無諗過豆腐係煮過先放落煲,個煲熱辣辣,夾野啲針仲會彈到手果隻,個汁甜甜地勁惹味, 支竹放咗落煲又另一風味。喜出望外可唔可以咁用? 不過份量再多啲會好啲,放低一陣已經無乜剩.....
支竹豆腐煲
38 views
0 likes
0 comments
雖然食足3年,個薯仔唔知烤/炸/點整過,勁"林",外面又帶少少脆,個汁好味,永遠都無得留低,必定清碟! 同事話食100次都唔會厭 =D
蜜椒薯仔牛柳粒
35 views
0 likes
0 comments
諗住叫一樣飽肚野,個河粉一入口,3個都不約而同嘅感動,一啲都唔係誇張,好有鑊氣,熱辣辣,平平無奇嘅炒河都感動到我哋!
肉片炒河
30 views
0 likes
0 comments
平平無奇,但又係好好味!
菜脯肉碎煎蛋
37 views
0 likes
0 comments
金銀蛋油麥菜
37 views
0 likes
0 comments
嘅人都係食午餐,得我哋每次都小菜,仲要碟碟清無廚餘! 唔知佢哋係咪驚我哋唔夠食,所以咁重手! 拿,千其唔好當咗做標準,正常唔係咁架!
我真係唔係做"妹",真心推介呢間!!! 遲啲再揀啲食過其他招牌菜同大家分享!!!! 呢間真係有心,仲要同一個餸都見到佢不斷求變求進步,好難得!!
Post
