啡寮 (Closed)

繼續喺長洲Hea, 啡寮係我哋兩公婆唔想出市區，又想搵處地方坐低磨爛蓆嘅選擇。呢間咖啡店嚟過好多次，裏面有一種令人舒舒服服唔需要記得時間嘅氣氛，裝修睇得出想俾客人一種渡假嘅感覺，所以坐下坐下會不經不覺坐左好多個鐘。今次叫咗杯檸檬蜂蜜滴漏咖啡同朱古力咖啡，檸檬蜂蜜夠晒味道，有啲飲緊凍檸茶嘅感覺，易入口又幾得意，朱古力咖啡略嫌朱古力味唔係太重，但咖啡味又唔係太突出，所以感覺比較普通。都係嗰句，如果你嘅目的係想搵達地方舒舒服服坐低，想慢活一下， 呢度係你一個唔錯嘅選擇。