Burger Deli (Closed)

📍西貢敬民街9號高勝樓地下2號舖一間位於西貢嘅隱世小店，早幾日已經想食㗎啦，不過坐出門口太熱啦，所以就skip咗去咗另外一間好難食嘅漢堡包店。咁難得今日又入西貢梗係要試完先走，去到咁啱落場，企喺門口都要等，但係真係入，物有所值。1)三重芝士漢堡配薯條加汽水，漢堡包🍔到嘅時候你會感覺到廚師嘅心意，你會感覺到佢個細心，好多店舖唔會將芝士放上面同埋生菜擺底，點解要咁樣做呢係你唔想啲肉汁朔晒落個包度，朔晒落個包度就會好容易爛同埋一pat pat😂😂😂普通安格斯牛肉個肉味已經好濃厚，其實材料好簡單三種唔同嘅芝士，蕃茄，洋蔥，酸瓜，同埋一塊煎得啱啱好嘅五成熟牛肉再加上新鮮嘅配料係唔會輸㗎。 2)薯條都好好食，配埋A&W嘅root beer簡直係絕配，煮得好好食CP值好高既一間漢堡包店🍔🍔🍔🤤🤤🤤環境喺舒服，好chill因為係outdoor，服務態度其實好好🤷🏻‍♂️🤷🏻‍♂️🤷🏻‍♂️我唔明白人哋點解要踩到咁差，因為我掛住打卡，店員係走埋嚟同我講，唔趁熱食就唔好食㗎啦，😬😬😬想食一間好食嘅漢堡包一定要去食，CP值超高，我覺得係香港算係唯一一間有質素嘅漢堡包店。