Lobster & Mussels by Paul's Kitchen (Closed)

我個人推介頭盤為帆立背，龍蝦湯，主菜為藍青口及法國藍龍蝦。餐酒為店長推介的白酒。個人不懂酒，但店長推介的的確啱我口味。店面地方不大，但坐位寛闊，而且店長態度親和，喜歡親民式的食客一定不會抗拒。今晚人均消費千幾蚊，但物有所值。帆立背為北海道出產的帆立背，輕煎下，帶有原本的海水咸味，但放心，唔會好似味精咁要你飲好多水。龍蝦湯絕不欺場，濃郁的湯底係由多隻龍蝦炮製，香濃。入口依稀感覺到小小嘅粒粒，應該係龍蝦殼打碎後嘅出品。口感，味覺不錯。到第二主角藍青口，初初一望似乎平平無奇，但細包發現，原來店方將青口控制在8成熟左右程度，入口滑溜無渣。配上店方嘅意大利青醬加麵包，絕！到第一主角，法國藍龍，個頭細，但一入口就明白點解要俾多d錢去食。同波龍完全兩回事。我先食肉，後再食蝦膏，果種滿足感，真係好難形容。仲有龍蝦汁炒意粉，又係主菜以外嘅游擊隊，俾佢打低！總括而言，當小弟唔識嘢，但我覺得呢間餐廳除左店面較細，總體有90分評分。以上純為個人意見。