一豆花

Open Now

Now Closed

今天，happy Friday 。同老婆，囡囡一同出去佐敦食下野，因為帶埋阿囡係身，所以食糖水方面，要照顧埋佢既健康。香港人，食飯後糖水，總離不開杧果，朱古力同士多啤梨口味，如果文青d , 又會選擇食下舊式熱糖水。但有品味而又識為女仔美颜既，同另一半食下豆腐花，其實都係一個唔錯既選擇。呢間”一豆花”，雖然分店都有幾間，但本人之前都全部分店都去試過哂，最后總結質素係有保证，唔需要特登去邊間先食到最好。而選擇方面，我同太太都鐘情佢地既店長推介”意米白果豆腐花”。豆腐花，幼滑而且有豆味，已經發現佢地好比心機去做好呢樣基本要求，而白果搭意米，更加連糖水都唔再落去豆腐花上面。不過，有少少驚喜食法，原來食前再加幾滴彊汁落去，味道更加會提升，大家不妨去試下，我個妹，食下食下，都食左我半碗，真係食糖水唔係大人專利，小朋友都識食。温馨提示，佐敦店，有堂食內座位，可以同另一半，開心share , 唔使等位，又可以慢慢坐低傾多陣。