Video
Read full review
2006-12-26
4 views
七宗罪聖誕節諗住食番餐開開心心飯,一家幾口黎左新和富食野,以前都黎過幾次,真係一次比一次差,終於的起心肝寫番篇食評發洩下.第一宗罪:地方太細,一張細枱幾個人坐,擺得茶黎擺唔到碟餸,搞到我都唔敢叫野,以為係我唔好彩,原來呢度個個都係咁,想坐得舒服就唔好黎.第二宗罪:抽氣太差,搞到成家人件外套都一陣油煙味.著靚衫就咪黎.第三宗罪:噪音太勁,鋪位細,入面用d木板唔知係咪有擴音效果,周圍d人傾下計就已經好嘈,好似係街市咁,想傾下心事都唔得.第四宗罪:食物水準已經冇以前咁好,雞完全唔入味,咕嚕肉真係大大舊骨完全冇肉.其它食物味道都冇以前好味,可能係轉左個廚師.第五宗罪伙記太忙,成日唔見人,冇人換碟,冇人加茶,想叫野成日要屈轉身(我坐反方向)睇下邊度有伙記先至得.第六宗罪:叫o個樣冇o個樣,如果預先冇打電話黎留,現場去就真係受氣,想食o架野全部都冇.第七宗罪:呢宗就係最嚴重架罪,就係叫左d野要等勁耐,叫左d野竟然要等40分鍾都唔黎,佢仲話差唔多,其它野都食哂,唔通坐係度等天光,迫於無奈取消,佢道歉都冇聲,因為佢都好似覺得係慣例.總之食呢餐飯好氣頂,以前係為左食物味道黎,就忍受佢環境差,而家食物又差
聖誕節諗住食番餐開開心心飯,一家幾口黎左新和富食野,以前都黎過幾次,真係一次比一次差,終於的起心肝寫番篇食評發洩下.
第一宗罪:
地方太細,一張細枱幾個人坐,擺得茶黎擺唔到碟餸,搞到我都唔敢叫野,以為係我唔好彩,原來呢度個個都係咁,想坐得舒服就唔好黎.
第二宗罪:
抽氣太差,搞到成家人件外套都一陣油煙味.著靚衫就咪黎.
第三宗罪:
噪音太勁,鋪位細,入面用d木板唔知係咪有擴音效果,周圍d人傾下計就已經好嘈,好似係街市咁,想傾下心事都唔得.
第四宗罪:
食物水準已經冇以前咁好,雞完全唔入味,咕嚕肉真係大大舊骨完全冇肉.其它食物味道都冇以前好味,可能係轉左個廚師.
第五宗罪:
d伙記太忙,成日唔見人,冇人換碟,冇人加茶,想叫野成日要屈轉身(我坐反方向)睇下邊度有伙記先至得.
第六宗罪:
叫o個樣冇o個樣,如果預先冇打電話黎留,現場去就真係受氣,想食o架野全部都冇.
第七宗罪:
呢宗就係最嚴重架罪,就係叫左d野要等勁耐,叫左d野竟然要等40分鍾都唔黎,佢仲話差唔多,其它野都食哂,唔通坐係度等天光,迫於無奈取消,佢道歉都冇聲,因為佢都好似覺得係慣例.
總之食呢餐飯好氣頂,以前係為左食物味道黎,就忍受佢環境差,而家食物又差左,又耐,但係環境又冇改善,燈光又昏暗,最惡頂係女仔最怕架油煙味,整臭件褸要攞去乾洗真係勁討厭.決定blacklist.
Post