泰式燒烤

Open Now

Now Closed

星期六難得出街食餐飯，隔離嗰位話帶我去九龍城搵好嘢食依家有屯馬線真方便，出地鐵站好快就可以搵到好嘢食。本身唔係諗住食呢間嘅，基於時間嘅關係，條人龍又太長，就轉戰咗去試泰式燒烤！本身係為咗食泰式燒牛肉，呢間都有得食，就叫咗呢樣。牛肉燒到半生熟，肉汁豐富又有牛味，鍾意食牛同食肉嘅朋友一定要試吓！咖喱炒蜆配泰式薄餅（可配蒜蓉包）大蜆好新鮮無沙，個咖喱汁一啲都唔辣，如果有啲辣味會更好，配上呢個泰式薄餅真係一流，脆卜卜同出面食開嗰啲薄餅唔同好有驚喜，加埋個咖喱汁一齊食真係不得了（唔係好影到啲蜆添）有牛肉有蜆點都要叫返個菜，泰式炒雜菜，少少辣，正正常常，有椰菜、芥蘭、椰菜花、西蘭花、秀珍菇、芽菜等等。飲品叫咗椰青同青檸梳打美中不足係甜品得芒果糯米飯，無其他選擇。糯米飯太飽了所以無揀到，下次有機會再試吓。埋單$382，價錢合理，飽飽又滿足！雖然舖頭細細，坐得好舒服就一定唔係嫁啦，但係啲泰姐姐都好有禮貌又跟單問我哋有咩嘢未嚟，食物質素又好，想食好嘢可以嚟試吓！如果多兩個朋友嚟食就可以試多幾樣嘢食啦下次試吓鐵板蠔仔，見到隔離枱食好吸引。