Video
Read full review
2017-08-27
3086 views
今晚唔知點解朋友約咗嚟呢度食飯，個人嚟講真係食到一肚氣！好簡單，三個字：又貴又唔好食！呢間字號相信睇開大台嘅人都一定聽過，佢賣電視廣告嘅模式10年不變，只係不停標榜佢d所謂名菜得到啲乜嘢飲食大奬之類之類，感覺絕對係hard sell之中嘅hard sell！今晚餐飯味道完全唔掂，性價比差到一個點，完全冇心機影相，後尾食完覺得要寫食評，唯有補影餐牌，影埋個價錢時，真係嬲上加嬲呀！金絲三味豆腐（ ＄108 )：聲稱為得奬菜式，係一碟有五種豆類製品食物嘅拼盤：炸豆腐～好䬣、滷水豆皮～好鹹、醬油黃豆～好鹹、拔絲炸豆鬆～唔鬆脆、皮蛋伴滑豆腐～醬油汁超鹹。唯一僅餘可取之處，皮蛋係溏心。三弄回味牛肉（ ＄188 )：聲稱為得奬菜式，所謂嘅三弄相信係三個煮牛肉嘅步驟，食得出牛肉炆完之後，上粉落油鑊快炸，然後再用醬汁回鑊，然後切片，再夾上青瓜片，然後面頭灑上彩椒粒。牛肉炆得算淋，可惜太入味，味道非常鹹，而醬汁嘅味道又係好鹹，配上青瓜片，只能僅僅中和少部份嘅鹹味。唯一可取之處，口感好特別，因為牛肉有脆皮，再加上爽脆嘅青瓜片，食落口感複雜而有趣。但係，佢又配上一碟炸蝦片，相信用來夾住嚟食，但感覺九唔搭八，因
今晚餐飯味道完全唔掂，性價比差到一個點，完全冇心機影相，後尾食完覺得要寫食評，唯有補影餐牌，影埋個價錢時，真係嬲上加嬲呀！
232 views
0 likes
0 comments
金絲三味豆腐（ ＄108 )：聲稱為得奬菜式，係一碟有五種豆類製品食物嘅拼盤：炸豆腐～好䬣、滷水豆皮～好鹹、醬油黃豆～好鹹、拔絲炸豆鬆～唔鬆脆、皮蛋伴滑豆腐～醬油汁超鹹。唯一僅餘可取之處，皮蛋係溏心。
218 views
0 likes
0 comments
三弄回味牛肉（ ＄188 )：聲稱為得奬菜式，所謂嘅三弄相信係三個煮牛肉嘅步驟，食得出牛肉炆完之後，上粉落油鑊快炸，然後再用醬汁回鑊，然後切片，再夾上青瓜片，然後面頭灑上彩椒粒。牛肉炆得算淋，可惜太入味，味道非常鹹，而醬汁嘅味道又係好鹹，配上青瓜片，只能僅僅中和少部份嘅鹹味。唯一可取之處，口感好特別，因為牛肉有脆皮，再加上爽脆嘅青瓜片，食落口感複雜而有趣。但係，佢又配上一碟炸蝦片，相信用來夾住嚟食，但感覺九唔搭八，因為青瓜片本身已經完全發揮爽脆嘅功能，炸蝦片嘅香脆，完全係多此一舉，只會令口感出現油膩嘅感覺！順便一題，炸蝦片嘅功夫差，碟底好多油。
212 views
0 likes
0 comments
七味蔥爆蝦仁帶子（ ＄168 ) ：有大量蒜頭豆豉作為料頭，味道好鹹，蝦仁唔爽脆，帶子份量少之又少，同時，加咗螺片，而質地非常韌！用咁濃嘅味道配海鮮，你懂的！
208 views
0 likes
0 comments
雲腿白玉碎蒸海斑（ ＄138 )：白玉即係豆腐，唔好以為佢會好似啲飲食節目咁講吸收晒魚嘅鮮味，冇。反而，係吸收晒啲豉油，所以好鹹！魚，冇魚味但腥腥哋。唯一可取之處，係蒸煮嘅時間掌握得啱啱好，所以魚肉質地唔會鞋口。
195 views
0 likes
0 comments
懷舊脆皮燒肉（ ＄160 )：啲皮算脆，味道普普通通冇乜特別。要強調，呢碟只係普通嘅燒肉，絕對唔係燒腩仔之類，亦唔知有乜嘢咁懷舊。
217 views
0 likes
0 comments
芝麻鹽焗雞（ ＄328 )：聲稱為得奬菜式，食完飯睇返餐牌，嘩！呢隻雞賣＄328 ，冇嘢呀！？睇賣相，唔係用紙包住落鹽鑊焗嘅鹽焗雞，而似係鹹雞入焗爐焗嘅鹽焗雞，面頭灑上大量芝麻。首先，皮唔脆， 滲返晒啲雞油變淋晒，雞肉完全冇咬口，肉質好鬆散；而因為以上嘅問題，芝麻同雞完全唔配合，而且亦唔覺有香味，可能d芝麻冇炒過！？有沙薑汁點的，但上枱時一啲沙薑嘅香味都聞唔到！
200 views
0 likes
0 comments
陳皮蒸生鮑仔（時價)：算新鮮、肉厚、彈牙。但係，啲豉油仍然好鹹！
238 views
0 likes
0 comments
上湯焗龍蝦 (煎米線底) (時價) ：算新鮮、爽口、彈牙；可惜，芡汁非常杰撻撻漿實哂d煎米線底，完全影響口感；同時，芡汁又係非常之鹹！
椒鹽賴尿蝦（時價) ：算新鮮，有膏，火喉OK，但肉質麻麻地好削。
炒飯：通常炒飯用菜心或芥蘭嘅莖部切粒一齊炒係好平常嘅事，唔知點解，呢度將成條菜心放落去炒，感覺好奇怪。炒出嚟飯粒算分明，唔肥膩，但味道仍然是很鹹！
今晚嘅甜品係南瓜露同蛋散，可能係全晚最好食嘅嘢。。。
至於啲侍應嘅服務，由坐低嗰一刻開始，就感覺到佢哋好似趕收工一樣，不停催你落單，不停催你食嘢，不停催你收碟，不停催你落甜品。最最最好笑嘅地方係，有個阿姐最後拎左張飲食優惠券過嚟，價值＄30，話留俾下次用，哈！哈！哈！下次用 ??? ... ＄30 ?
好耐未試過食一餐飯，會食到如此氣上心頭!!!!! 總括來講，三個字：一定冇下次！一定冇！係！係肯肯定一定冇 !!!!!
Post
